Өзбекстан мен Пәкістан Орталық және Оңтүстік Азияны Ауғанстан арқылы байланыстыратын және оны Пәкістан порттарына жеткізетін теміржол жобасының құрылысын жеделдетуге келісті.

Инвестициялар, индустрия және сауда министрлігінің хабарлауынша, Пәкістан делегацияның Ташкенттегі сапары барысында Инвестициялар, индустрия және сауда министрі Лазиз Кудратов Пәкістанның Қаржы министрі Исхак Дормен шағын құрамда кездесу өткізді.

«Кездесуде трансауған темір жол құрылысы жобасын жүзеге асыруды жеделдету туралы келісімге қол жеткізілді. Сонымен қатар, келісілген шаралар қатарында мультимодальды жүк тасымалдау көлемін ұлғайту, өнімді үшінші елдер нарығына бірлесіп экспорттау мақсатында екі елдің аумақтарында терминалдар құру мәселелері қаралды», делінген хабарламада.

Ведомство дерегінше, Өзбекстан мен Пәкістан арасындағы 2022 жылы 240 миллион долларға жеткен тауар айналымын одан әрі ұлғайту бойынша алдағы шаралар қарастырған. Тараптар екіжақты сауда көлемін ұлғайту үшін қажетті жағдайлар жасау мақсатында Преференциялық сауда туралы келісімді іске асыру және көлік дәліздерін әртараптандыруды жеделдету бойынша нақты шаралар қабылдауды қолдады.

Сондай-ақ екі елдің қаржы институттары арасындағы өкілді банктік қатынастарды дамыту бойынша шаралар қабылдауға келісілгені айтылады хабарламада.