ӨР Инвестициялар, индустрия және сауда министрі Лазиз Қудратов Пәкістанның Елшісі Ахмад Фарукпен кездесті.

Министрлік ақпаратына сәйкес, диалог барысында екіжақты қарым-қатынастарды дамыту перспективалары және өзара ынтымақтастықты одан әрі жандандыру мәселелері талқыланды. Кейінгі жылдары елдер арасындағы өзара сауданың оң динамикасы атап өтілді.

«Көлік-логистика саласындағы ынтымақтастықты дамыту перспективалары бөлек қарастырылды. Кейінгі жылдары жүк тасымалдау көлемі 5 есеге жуық өскені атап өтілді. Көлік инфрақұрылымын дамытуды ескере отырып, қолда бар мүмкіндіктерді толық пайдалану шараларын қабылдау келісілді», делінген хабарламада.

Ведомство дерегінше, кездесу соңында тараптар жоспарланған және жаңа бірлескен жобаларды жүзеге асыру бойынша болашақ ынтымақтастық форматы туралы келісті және елдер арасындағы сауда-экономикалық және инвестициялық ынтымақтастықты тереңдетуге өзара ұмтылыстарын растаған.