2023 жылдың 31 тамызында Люксембург қаласында Өзбекстан мен Люксембург арасындағы екі ел қарым-қатынасы тарихындағы алғашқы саяси консультациялар өтті.

Кездесу барысында Өзбекстан мен Люксембург күн тәртібіндегі кең ауқымды мәселелер, екіжақты қарым-қатынастардың қазіргі жағдайы мен оны саяси, сауда-экономикалық, мәдени-гуманитарлық, шарттық-құқықтық базаны кеңейту салаларындағы даму перспективалары жөнінде пікір алмасылды.

Экономикалық дипломатияны дамыту, бірлескен инвестициялық жобаларды жүзеге асыру, өзара сауда көлемін арттыру, оның ішінде өзбек тоқыма өнімдерін осы елге экспорттау жөніндегі ұсыныстарға ерекше назар аударылды.

Сондай-ақ банк, қаржы қызметтері, денсаулық сақтау, көші-қон, қоршаған ортаны қорғау және климаттық өзгерістердің салдарын жеңілдету салаларындағы өзара қарым-қатынастарды кеңейтудің маңыздылығы атап өтілді.

Кездесуде Еуропалық Одақ пен халықаралық ұйымдар аясындағы өзара ынтымақтастық, өңірлік өзекті мәселелер талқыланды, делінген хабарламада.