Лондондағы Өзбекстан Елшілігінде Британ Корольдік ауылшаруашылық университетінің (Royal Agriculture University, RAU) басшысы, профессор Питер Маккафери мен Өзбекстан халықаралық ауылшаруашылық университетінің ректоры Мунира Аминованың кездесуі өтті.

«Dunyo» ақпарат агенттігінің хабарлауынша, Корольдік аграрлық университетінің бакалавриат білім беру бағдарламаларын жаңа бірлескен университеттің оқу үдерісіне енгізу кезеңі жалғасуда.

«Үміткерлер үшін Foundation кешенді оқыту бағдарламасын іске қосу, сондай-ақ Smart ауыл шаруашылығы, агротехнологиялар, тұрақты ауыл шаруашылығы және ресурстар, тұрақты мал шаруашылығы, халықаралық бизнесті басқару және азық-түлік салаларында логистика сияқты алты бакалавриат бағдарламасын енгізу жоспарлануда», делінген хабарламада.

Кездесу қорытындысы бойынша ауыл шаруашылығы және ветеринария салаларында білім беру және ғылыми зерттеулер саласында бірлескен жобаларды жүзеге асыру туралы келісімге қол жеткізілді.