Өзбекстан Елшісі Қадамбой Султанов Латвияның Ауыл шаруашылығы министрі Дидзис Шмитспен кездесті.

Өзбекстан елшілігінің хабарлауынша, келіссөздер барысында екі ел арасындағы сауда-инвестициялық, жоғары технологиялық, өндірістік және ғылыми-техникалық әріптестікті жандандыру перспективалары туралы жан-жақты пікір алмасылған және министр Өзбекстан Латвияның Орталық Азиядағы басты серіктесі екенін атап өткен. 

«Ауыл шаруашылығы екіжақты ынтымақтастықтың маңызды бағыттарының бірі болып табылады. Сондықтан Дидзис Шмитс ауыл шаруашылығы, экология, стандарттау және сертификаттау салаларындағы Өзбекстан-Латвия келісімдерін жүзеге асыру мақсатында жоғарыда аталған салаларға тартылған жетекші латвиялық мамандардың, кәсіпорындар мен ұйымдардың мүмкіндіктері жұмылдырылатынын мәлімдеді», делінген хабарламада.

Латвия тарапы Үкіметаралық комиссия, Ауыл шаруашылығы жөніндегі жұмыс тобы және Іскерлік кеңес сияқты маңызды ынтымақтастық жүйелері екіжақты институционалдық тетіктерді тиімді пайдалануға бағытталғанын айтқан.

Келіссөздер барысында тараптар сондай-ақ екі елдің ауыл шаруашылығы ведомстволары арасындағы жоспарланған байланыстардың кестесін, деңгейі мен күн тәртібін талқылағаны айтылады министрлік ақпаратында.