Өзбекстан Инвестициялар, индустрия және сауда министрінің орынбасары Ойбек Хамроев Израильдің Өзбекстандағы Төтенше және Өкілетті Елшісі Зехавит Бен-Хиллельмен кездесті.

Министрлік дерегінше, сұхбат барысында сауда-экономикалық және инвестициялық ынтымақтастық мәселелері, әріптестік қарым-қатынастарды жаңа бағытта кеңейту перспективалары жөнінде пікір алмасылды.

2022 жылы елдер арасындағы тауар айналымы өткен жылмен салыстырғанда екі есеге өскені атап өтілді. Тараптар бірлескен жұмыс тобын құруға және өзара сауда көрсеткіштерін арттыруға қажетті күш салуға келісті.

Тараптардың бірлескен жобаларды жүзеге асырудың табысты тәжірибесін ескере отырып, фармацевтика, химия, электротехника, тоқыма өнеркәсібі, ауыл шаруашылығы және тамақ өнеркәсібі, энергетика, банк ісі, қаржы, құрылыс, туризм, сондай-ақ денсаулық сақтау салаларындағы ынтымақтастықты кеңейтуге мүдделі екендігі айтылды.

Кездесу қорытындысы бойынша Инвестициялар, индустрия және сауда министрлігі мен Израиль Сыртқы істер министрлігі жанындағы Халықаралық ынтымақтастық агенттігі арасында қол қойылған өзара түсіністік туралы меморандумда көрсетілген міндеттерді жүзеге асыруды жеделдету туралы келісімге қол жеткізілді.