Өзбекстан Сыртқы істер министрлігінде Италияның Елшісі Агостино Пиннамен кездесу өтті.

СІМ мәліметінше, кездесуде тараптар жақын арада Ташкентте сауда-экономикалық, өнеркәсіптік ынтымақтастық және экспорттық несиелер жөніндегі үкіметаралық жұмыс тобының 7-ші отырысын ұйымдастыру жөнінде пікір алмасты.

2023 жылы Өзбекстан мен Италияның жетекші университеттері ректорларының жылдық форумын ұйымдастыру, «цифрлық экономика», машина жасау, өнеркәсіптік дизайн, агроөнеркәсіп және туризм салаларында мамандарды бірлесіп даярлау мәселесін пысықтауға келісілді.

Кездесу қорытындысы бойынша келесі жылдың бірінші жартыжылдығында министрлікаралық саяси консультациялардың кезекті раундын өткізу мерзімін пысықтау және жақын арада мәдени іс-шараларды ұйымдастыру туралы келісімдерге қол жеткізілді.