Өзбекстан мен Испания құқықтық ынтымақтастықтың келешегін талқылап жатыр.

Dunyo ақпарат агенттігінің хабарлауынша, Өзбекстанның Испаниядағы елшілігінің қолдауымен Өзбекстан Бас прокуратурасының өкілдерінен құралған делегация Испания Әділет министрлігінің ресми өкілдерімен келіссөздер жүргізді.

Кездесу барысында екі ел арасындағы қылмыстық құқық саласындағы құқықтық базаны кеңейту мәселелері талқыланды.

«Атап айтқанда, Өзбекстан мен Испания арасындағы «Қылмыстық істер бойынша өзара құқықтық көмек», «Ұстау» және «Сотталғандарды беру» туралы мемлекетаралық келісімдердің жобаларын әзірлеу жөнінде пікір алмасты», делінген хабарламада.

Ведомство дерегінше, келіссөздер 11 мамырға дейін жалғасады.