2023 жыл 28 тамызда Өзбекстан Республикасының Сыртқы істер министрі Бахтиёр Саидов Иран Ислам Республикасының Сыртқы істер министрі Хосейн Амир Абдуллахиянмен онлайн режимінде кездесу өткізді.

СІМ мәліметінше, келіссөздер барысында Өзбекстан-Иран ынтымақтастығының саясаттан экономикалық дипломатияға дейінгі барлық аспектілері талқыланды.

«Кездесу соңында министрлер Өзбекстан мен Иран Сыртқы істер министрліктері арасындағы екіжақты қарым-қатынастарды одан әрі дамытуға бағытталған және бірлесіп шешілетін негізгі міндеттерді айқындайтын «Жол картасына» қол қойды», делінген хабарламада.