Самарқанд қаласында өткен Еуропалық қайта құру және даму банкі (ЕҚДБ) Директорлар кеңесінің 32-ші жыл сайынғы отырысы аясында Инвестициялар, индустрия және сауда министрлігі мен Дүниежүзілік банк тобының мүшесі Халықаралық қаржы корпорациясы (IFC) арасында ынтымақтастық туралы келісімге қол қойылды.

Келісімге сәйкес, Ташкент қаласында құны 300 миллион доллар болатын электр энергиясы бойынша қаржылық және консалтингтік қызмет көрсету жобасын жүзеге асыру көзделген.

– Біз Өзбекстан үкіметімен өте тығыз және тиімді ынтымақтастықта жұмыс істеп жатырмыз. Серіктестіктің нәтижесінде көптеген жеке сектор компаниялары қолдау тауып, қаржыландырылады. Біздің құрылым мен Өзбекстан арасындағы ынтымақтастықтың нақты мысалы ретінде жақында қол қойылған құжатты атап өтемін. Осыған орай, IFC ел үкіметіне энергия бөлу саласындағы мәселелерді шешуде басқару мен талдауда көмектеседі, деген IFC-тің Түркия және Орталық Азия бойынша директоры Вибке Шлёмер «Dunyo» басылымына берген сұхбатында.