Өзбекстан мен Грузия арасындағы ынтымақтастық дамып келеді. Одан кейінгі жылдары сауда көрсеткіштері мен ынтымақтастық жобаларының саны артып, 2023 жылы тауар алмасу 23 пайызға артты.

Бұл туралы Олий Мажлис Сенатының Төрағасы Танзила Нарбаева мен Грузия парламентінің спикері Шалва Папуашвили бастаған делегациямен кездесуде атап өтілді.

Тараптар екі ел арасындағы сауда-экономикалық және инвестициялық ынтымақтастықты кеңейту, мәдени-гуманитарлық алмасуды жандандыру, парламентаралық байланыстарды жаңа деңгейге шығару мәселелерін қарастырды.

Диалог барысында екі ел көлік-логистика, банк-қаржы, туризм және т.б. салаларда бірлескен жобаларды жүзеге асыру жөнінде пікір алмасты.

«Халықтарды бір-біріне жақындастыруда мәдени-гуманитарлық байланыстарды жандандыруға көңіл бөлінді. Өзбекстан мен Грузия халықтарын дәстүрлі берік достық қарым-қатнасы байланыстырып, мәдени шаралардың жиі өткізіліп тұруы рухы мен дәстүрі өте жақын халықтар арасындағы байланыстарды дамытуға қызмет ететіні айтылды», делінген хабарламада.

Екі ел арасындағы жоғары деңгейде қол жеткізілген уағдаластықтарды тиімді жүзеге асыру мақсатында парламенттер арасында тұрақты диалог орнатуға, бұл үдерісте үйлестіруші ретінде парламентаралық достық топтарының рөлін одан әрі арттыруға назар аударылды.

Кездесуде гендерлік теңдікті ілгерілету, өңірлер арасындағы қарым-қатынасты нығайту, халықаралық ұйымдар аясындағы ынтымақтастықты дамытуға келісілді.