Германияға сапар аясында Өзбекстан Республикасының Президенті Шавкат Мирзиёев пен Германия Федералдық Президенті Франк-Вальтер Штайнмайер Берлиндегі әлемге әйгілі Джеймс Саймон галереясында «Өзбекстанның археологиялық қазыналары. Ескендір Зұлқарнайыннан Кушан патшалығына дейін» атты бірегей көрмені ашты.

Ашылу салтанатында Мемлекет басшысы екі елдегі халықтарымыздың бай мәдени мұрасы мен бүгінгі жетістіктеріне қызығушылықтың артып келе жатқанын қуанышпен атап өтті.

Өзбекстанда олар Гёте, Гейне, Шиллер, Томас Ман, Ремарк және басқа да көптеген жазушылардың өлмес шығармаларын, Бах, Бетховен, Штраус, Вагнердің тамаша музыкасын өте жақсы біледі және бағалайды.

Неміс жұртшылығы Еуропаға апаратын көне керуен жолдары өткен Өзбекстан тарихымен жақсы таныс.

Ғасырлар бойы Ұлы Жібек жолы сауда, ғылым, мәдениет пен өнердің дамуына зор үлес қосты, мәдениетаралық байланысқа, рухани құндылықтар алмасуға, озық идеяларды қалыптастыруға, интеграция мен ынтымақтастыққа, бейбітшілік пен жасампаздыққа, толеранттылық пен келісімге қызмет етті. 

Ұлы ақын Гёте өзінің «Батыс-шығыс диваны» жыр жинағында қарт Самарқан мен Бұхараның сұлулығын дәріптесе, атақты композитор Гендель «Темір» операсын жасаған.

Көрменің ашылуы Өзбекстан мен Германия арасындағы мәдени қарым-қатынастағы айтулы оқиға болды. Бұл туралы Германия Федералды Президенті Франк-Вальтер Штайнмайердің 2019 жылдың мамыр айында Өзбекстанға сапары кезінде келісілген еді.

Шараны ұйымдастыруда төрт жылға жуық екі елдің археологтары, тарихшылары, өнертанушылары мен мұражай қызметкерлері жанқиярлықпен еңбек етті. Неміс мамандарының қатысуымен 50-ге жуық аса құнды көне жәдігер қалпына келтірілді.

2024 жылдың 14 қаңтарына дейін жалғасатын көрмеде Берлин мемлекеттік мұражайларының коллекцияларынан 65, Өзбекстан музейлерінің коллекцияларынан 285 экспонат қойылған. Олардың көпшілігі елімізден тыс жерлерде алғаш рет көрсетіліп отыр.

Көрме біздің дәуірімізге дейінгі VI ғасырдан біздің заманымыздың IV ғасырына дейінгі кезеңді қамтитын еліміздің ежелгі және бай мәдениеті, бүгінгі Өзбекстан және Орталық Азияда орналасқан алғашқы мемлекеттердің тарихы туралы баяндайды.

Мұндағы жауһарлардың қатарында Кушан патшалығының «Далварзинтөбе мен Халшаян» бекіністерінен табылған дворяндар, сарбаздар мен ауқатты әйелдердің мүсіндері бар.

Бұл бірегей экспозиция келушілерге Өзбекстан тарихымен танысуға, халқымыздың мұрасы туралы толық мағлұмат алуға мүмкіндік береді.

Айтулы шара Өзбекстан мен Германия халықтарын жақындастыруға және бір-бірін түсінуге, елдеріміз арасындағы кең байланыс пен көп қырлы ынтымақтастықты дамытуға қызмет етеді.

Өзбекстан Республикасы Президентінің Германияға сапарына байланысты екі ел делегациялары мүшелерінің, мемлекет және қоғам қайраткерлерінің қатысуымен салтанатты қабылдау рәсімі өтті.