Өзбекстан делегациясының Бельгия астанасына сапары барысында Сыртқы істер министрлігінің Еуропалық елдер және Еуропалық Одақ институттарымен ынтымақтастық бөлімінің басшысы Ойбек Шахавдинов Еуропа сыртқы әрекет қызметі Басқарушы директорының Шығыс Еуропа және Орталық Азия бойынша орынбасары Люк Девинмен кездесті.

«Dunyo» агенттігінің хабарлауынша, тараптар Өзбекстан-Еуропа ынтымақтастығының қазіргі жағдайы мен болашағын, сондай-ақ биылғы жылы өтетін бірлескен іс-шаралар кестесін талқылады.

«Өзбекстан мен Еуропалық Одақ арасындағы 2022 жыл 6 шілдеде парафланған «Кеңейтілген серіктестік және ынтымақтастық туралы» келісімге ертерек қол қоюды қамтамасыз ету үшін қажетті шараларды қабылдаудың маңыздылығы атап өтілді.

Мәдени-гуманитарлық байланыстарды кеңейтуге, климат пен экология саласындағы өзара ынтымақтастыққа ерекше назар аударылды. Екіжақты күн тәртібіндегі мәселелерді талқылау үшін тұрақты байланыстарды жалғастыру келісілді», делінген хабарламада.