Өзбекстан мен Дания сыртқы істер министрліктерінің тиісті басқарма басшыларының қатысуымен екі ел арасында онлайн форматта алғашқы саяси консультациялар ұйымдастырылды.

ӨР Сыртқы істер министрлігінің мәліметінше, тараптар екіжақты жан-жақты қарым-қатынастарды, ең алдымен, сауда-экономикалық, инвестициялық, гуманитарлық және көлік-логистика салаларындағы ынтымақтастықты жандандыру және кеңейту мәселелерін, сондай-ақ халықаралық платформалардағы өзара іс-қимылдың өзекті аспектілерін талқылады. 

Әртүрлі деңгейдегі сапар алмасуды дамыту, екі елдің басым бағыттары бойынша екіжақты қарым-қатынастардың келісімдік-құқықтық негіздерін қалыптастыру, сондай-ақ саяси консультациялардың келесі кезеңін 2025 жылы Ташкент қаласында өткізу жөнінде келісімге қол жеткізілді. 

Өзбекстан мен Дания арасындағы дипломатиялық қарым-қатынастар 1992 жылғы 25 қаңтарда орнаған.