Өзбекстан мен Бурунди арасында дипломатиялық қатынастар орнатылды.

Бұл туралы Өзбекстан Сыртқы істер министрі Бахтиёр Саидов өзінің Telegram каналында хабарлады.

Мәліметке сәйкес, Бурунди Өзбекстанмен дипломатиялық байланыс орнатқан 152-мемлекет болды.

Бахтиёр Саидов пен Бурунди сыртқы істер және даму ынтымақтастығы министрі Альберт Шингиро БҰҰ-ның бас кеңсесінде тиісті бірлескен коммюникеге қол қойды.

«Бұл құжат елдеріміз арасындағы екіжақты ынтымақтастық әлеуетін жүзеге асыруда негіз болады», – деп жазған СІМ басшысы. 

Бұған дейін Өзбекстан Кабо-Верде және Сейшел аралдарымен дипломатиялық байланыстар орнатқан еді.