Өзбекстан Республикасының Сыртқы істер министрі Бахтиёр Саидов Беларусь Республикасының Сыртқы істер министрінің орынбасары Павел Утюпинмен кездесті.

Бұл туралы Өзбекстан СІМ баспасөз қызметі хабарлады.

Келіссөздер барысында екіжақты және көпжақты күн тәртібіндегі кең ауқымды мәселелер талқыланды. Өзара сенім мен ортақ мүддеге негізделген, нақты нәтижелерге бағытталған әріптестікті нығайтуға ерекше назар аударылды.

– Өзбекстан мен Беларусь Сыртқы істер министрліктері жоғары деңгейде қол жеткізілген барлық келісімдерді уақытылы және тиімді жүзеге асыру мақсатында тығыз ынтымақтастықты жалғастырып келеді, – деді министр Бахтиёр Саидов.