Витебск қаласында Өзбекстан Журналистер одағы мен Беларусь Журналистер одағы арасында екіжақты ынтымақтастық туралы меморандумға қол қойылды.

Аталған келісімшарт Өзбекстан Республикасы Олий Мажлис Сенаты мен Беларусь Республикасының Ұлттық жиналысы Республика Кеңесінің бірлескен қолдауымен ұйымдастырылған III Беларусь–Өзбекстан бизнес-форумы аясында рәсімделді. 

Құжат екі елдің бұқаралық ақпарат құралдары саласындағы өкілдері арасындағы кәсіби байланыстарды нығайтуға бағытталған.

Өзбекстан Журналистер одағы төрағасының міндетін атқарушы Холмурод Салимовтың айтуынша, бұл меморандум аясында өзбек журналис­терінің Беларуське, ал беларусь журналис­терінің Өзбекстанға сапарларын ұйымдастыру, сала бойынша тәжірибе алмасу және оны жүйелі түрде дамыту көзделген. Сонымен қатар, ынтымақтастық шеңберінде БАҚ өкілдеріне арналған біліктілік арттыру бағдарламалары, конференциялар, медиафорумдар және пресс-турлар өткізу жоспарланып отыр. Журналистерді аккредитациялау, кәсіби қызметке рұқсат алу мәселелерінде де тараптар бір-біріне қолдау көрсететін болады. Бұл келісім екі ел журналистикасы арасындағы достықты тереңдетіп, өзара сенімді нығайта түседі деп сенемін.

Кездесу соңында Беларусь Журналистер одағының төрағасы Андрей Кривошеевке Өзбекстан Журналистер одағының естелік сыйлығы табыс етілді.