Вена қаласында Өзбекстан мен Австрия сыртқы істер министрліктерінің консулдық қызметтері арасында алғашқы консультациялар өтті.

СІМ мәліметіне қарағанда, келіссөздер барысында екіжақты ынтымақтастықтың өзекті мәселелері талқыланып, мынадай уағдаластыққа қол жеткізілді:

• көші-қон және мобильдік саласындағы ынтымақтастық туралы келісім жобасы бойынша келіссөздерді жалғастыру, бұл бағыттағы өзара серіктестікті одан әрі дамыту;
• дипломатиялық паспорт иелеріне виза беру тәртібі жөніндегі үкіметаралық келісімді әзірлеу;
• Өзбекстанның өкілетті органдары берген апостильдерді өзара тану мәселесін қайта қарау;
• Өзбекстан азаматтарына визаларды Астана қаласындағы Австрияның дипломатиялық өкілдігі арқылы рәсімдеу мүмкіндігін қарастыру.

Тараптар бұл консультациялар екі ел арасындағы консулдық және гуманитарлық ынтымақтастықты одан әрі нығайтуға қызмет ететінін атап өтті.