Өзбекстан үкіметі делегациясының Ауғанстанға сапары аясында Кабул қаласында екі елдің кәсіпкерлері арасында кездесу өтті.

Тату көршілікке негізделген достық және өзара тиімді қарым-қатынастарды одан әрі кеңейту мақсатында ұйымдастырылған диалогта кәсіпкерлерге жасалған қолайлы жағдайлар сөз болды.

Екі ел арасындағы преференциялық сауда келісімі осы жылдың 1 қазанынан басталады. Бұл құжат аясында 14 түрлі өнімге импорттық баж салығы жойылып, экспорттаушылар үшін қосымша жеңілдіктер жасалады.

Қазіргі уақытта Ауғанстаннан ауыл шаруашылығы өнімдерінің импортын одан әрі арттыру мақсатында фитосанитарлық рұқсат беру тәртібі жеңілдетілген.

1 тамыздан бастап «Айритом-Хайратон» шекаралық өткізу бекеті 24 сағаттық жұмыс кестесіне көшкен.

Термез халықаралық сауда орталығына келушілер үшін 15 күндік визасыз режим енгізілген және олар барлық салықтардан босатылған.

Ауғанстандық кәсіпкерлердің Өзбекстанда белсенді жұмыс істеуі үшін екі ел арасында инвестицияны өзара ынталандыру және қорғау туралы келісімге қол қойылды.

Ашық диалог түрінде өткен жиында Өзбекстан кәсіпкерлерінің қызметін қолдауға бағытталған осы және өзге де шаралар туралы жан-жақты ақпарат берілді.Очиқ мулоқот шаклида кечган учрашувда юртимиз тадбиркорлари фаолиятини қўллаб-қувватлашга қаратилган шу ва бошқа чора-тадбирлар ҳақида атрофлича маълумот берилди.

ӨзА