ӨР Ұлттық әлеуметтік қорғау агенттігінің қызметкерлері жұмыс сапармен Нью-Йорк қаласына барды.

Ведомство дерегінше, осы жылдың 27 қарашасында делегацияның АҚШ-қа жұмыс сапары бағдарламасы аясында БҰҰ Даму бағдарламасының әкімшісі Ахим Штайнер мен БҰҰ Даму бағдарламасының Еуропа және Орталық Азия аймағы бойынша директоры Ивана Живкович арасында келіссөздер өтті.

Әлеуметтік қорғау, кедейлік пен әлеуметтік теңсіздікпен күресу, халықтың осал топтарын, әйелдер мен мүгедектерді жұмыспен қамтуға жәрдемдесу, сондай-ақ кәсіптік оқыту бағдарламаларын іске асыру саласындағы озық тәжірибе мен кешенді стратегияны іске асыру мәселелері бойынша ынтымақтастық туралы келісімге қол жеткізілді. 

Кездесу соңында екіжақты қарым-қатынастарды нығайту, сондай-ақ басым бағыттар бойынша өзара көмек көрсетуді көздейтін екіжақты түсіністік туралы меморандумға қол қою рәсімі өтті.