ӨР Президентінің «Өзбекстан Республикасы гидрометеорологиялық қызметін одан әрі жетілдіру жөніндегі шаралар туралы» Жарлығына сәйкес, 2021/22 оқу жылынан бастап, Өзбекстан Ұлттық университетінде Гидрометеорология факультеті ашылады.

Әділет министрлігінің «Құқықтық ақпарат» арнасындағы ақпаратта айтылуынша, Ресей мемлекеттік гидрометеорологиялық университеті және басқа да шетелдік оқу орындарымен бірлесіп білім беру бағдарламалары бойынша, гидрометеорология бағытында кадрлар дайындау жолға қойылады.

Бұдан бөлек «Гидрометеорологиялық қызмет туралы» және «Өзбекстанға еңбек сіңірген гидрометеоролог атағын тағайындау туралы» заң жобалары әзірленеді.