ФИФА ұлттық құрамалардың жаңартылған рейтингін жариялады. Оған сәйкес, Өзбекстан ұлттық құрамасы өткен аймен салыстырғанда екі саты төмендеп, 52-орынға тұрақтады.

Құрлықтық деңгейде ұлттық құрама Азия құрамалары арасында бесінші орынды иеленіп отыр. Қазіргі таңда құрлықта Өзбекстаннан жоғары Жапония, Иран, Оңтүстік Корея және Аустралия құрамалары орналасқан.

Айта кетейік, әлемдік рейтингтің көшін қазіргі уақытта Испания ұлттық құрамасы бастап тұр. Екінші және үшінші орындарды тиісінше Аргентина мен Франция құрамалары иеленген.

Айта кетейік, Фабио Каннаваро шәкірттері 22 қаңтар мен 2 ақпан аралығында Қатар астанасы Доха қаласында өтетін оқу-жаттығу жиынына қатысады. Жиынға негізінен жергілікті және жас футболшылар тартылмақ.