Өзбекстан Ұлттық банкі мен Венгрияның Эксимбанкі арасында құны 50 млн еуро болатын келісімшартқа қол қойылды.

3 қазанда Өзбекстан Республикасы Президентінің Венгрияға сапары аясында екі елдің іскер топтары өкілдерінің қатысуымен Өзбекстан-Венгрия бизнес форумы өтті.

Оған Өзбекстан мен Венгрияның автокөлік өнеркәсібі, көлік, фармацевтика, ауыл шаруашылығы, тоқыма, ақпараттық технологиялар, былғары және аяқ киім өнеркәсібі салаларындағы жетекші компанияларының өкілдері, сондай-ақ банк және қаржы институттарының басшылары қатысты.

Бизнес-форумы аясында «Өзбекстан Республикасының Сыртқы экономикалық қызмет Ұлттық банкі» АҚ мен Венгрияның Экспорт-импорт банкі (Венгрия Эксимабанкі) арасында 50 млн еуроны құрайтын несиелік келісімге қол қойылды.

Венгрияның Экспорттық-импорттық банкі экспортты қаржыландыру саласындағы жетекші қаржы институты болып табылады. Бұл несиелер Венгриядан жабдықтар, тауарлар және қызметтерді жеткізуді көздейтін ірі инвестициялық жобаларды, шағын және орта бизнес жобаларын қаржыландыруға көмектеседі.

Венгрия Өзбекстанның Еуропалық Одақтағы маңызды серіктестерінің бірі болып табылады. Екі ел басшыларының бастамаларының нәтижесінде өзара тиімді серіктестік қарым-қатынастар жылдан жылға нығайып келеді. Венгрияның Экспорттық-импорттық банкімен жасалған жаңа келісім осының нақты мысалы. Ол бизнес-форумда қол жеткізілген келісімдерді жүзеге асыруға мүмкіндік береді.

Бұл келісім-шарттың тағы бір артықшылығы Венгрияның Экспорт-импорт банкінің құрамына кіретін MEHIB экспорттық несиені сақтандыру компаниясымен тікелей ынтымақтасу мүмкіндігі, сондай-ақ өнім мен құрал-жабдықтарды жеткізу, жеткізушінің немесе сатып алушының өтелмеген қарыздары, несиелері, лизинг, банктік кепілдік және инвестициялармен байланысты тәуекелдерді қаржыландыруды қамтамасыз етеді.