Өзбекстанның қай елдерден көбірек импорт жасайтыны белгілі болды.

Мемлекеттік статистика комитетінің мәліметінше, 2021 жылдың қаңтар-қазан айларында Өзбекстанның импорттағы үлесі ең жоғары елдер қатарында Ресей, Қытай Қазақстан көш бастап тұр. 

Осы уақыт аралығында 4,2 млрд долларлық тауар Ресейден келген болса, 4 млрд долларлық өнім Қытайдан, 2,2 млрд долларлық тауар көрші Қазақстан елінен әкелінген. 

• Корея – 1,5 млрд доллар;
• Түркия – 1,3 млрд;
• Германия – 571,5 млн;
• Түркіменстан – 404,1 млн;
• Үндістан – 371,9 млн;
• Украина – 364,2 млн;
• Литва – $342,1 млн.

2021 жылдың қаңтар-қазан айларында Өзбекстан экспортының көлемі 12,4 миллиард АҚШ долларын құрады. Экспорт бойынша ең жоғары үлеске ие елдер қатары мынадай:

• Қытай – 2,1 млрд доллар;
• Ресей – 1,7 млрд;
• Түркия – 1,4 млрд;
• Қазақстан – 952,4 млн;
• Қырғызстан – 643,4 млн;
• Ауғанстан – 521,6 млн;
• Тәжікстан – 394,8 млн;
• Украина – 172,4 млн;
• Канада – 171,5 млн;
• Түркіменстан – 151,5 млн доллар.

Осы аралықта Өзбекстанның сыртқы сауда айналымы 32,6 млрд долларды құрады.