Өзбекстанның импортында ең жоғары үлеске ие 10 ел белгілі болды.

Мемлекеттік статистика комитетінің мәліметінше, 2022 жылдың қаңтар-ақпан айларында Өзбекстанның импорттағы үлесі бойынша Қытай мен Ресей көш бастап тұр. Осы уақыт аралығында Қытайдан 1 миллиард доллар, Ресейден 905,2 миллион долларлық өнім әкелінген.

Ел импортында ең жоғары үлеске ие қалған елдер:

• Қазақстан – 478,5 млн;
• Корея – 395,7 млн;
• Түркия – 282,8 млн;
• Германия – 162,3 млн;
• Үндістан – 92,4 млн;
• Түркіменстан – 90 млн;
• Украина – 77,9 млн;
• Бразилия – 65,2 млн доллар.

Сондай-ақ Өзбекстан экспортындағы 10 ел де жарияланды. Статистика комитетінің мәліметінше, қаңтар-ақпан айларында Өзбекстанның экспортында үлесі жоғары серіктес елдер мыналар:

• Ресей – 346,8 млн;
• Қытай – 310,5 млн;
• Түркия – 238,4 млн;
• Қазақстан – 141,7 млн;
• Қырғызстан – 115 млн;
• Ауғанстан – 94,6 млн;
• Тәжікстан – 65,3 млн;
• Украина – 36,1 млн;
• Иран – 23,7 млн;
• Түркіменстан – 18,8 млн доллар.

Өзбекстанның сыртқы сауда айналымы 8,7 миллиард АҚШ долларын құрады.