Өзбекстанның жаңадан тағайындалған елшісі Надир Турғунов Сауд Арабиясы Сыртқы істер министрінің хаттамалық мәселелер жөніндегі орынбасары Абдулмажид әл-Саммариге сенім грамотасының көшірмесін тапсырды.

«Dunyo» агенттігінің хабарлауынша, сыртқы саясат мекемесінде өткен кездесуде Өзбекстан мен Сауд Арабиясы арасындағы екіжақты ынтымақтастықтың қазіргі жағдайы мен болашағы, сондай-ақ халықаралық күн тәртібіндегі өзекті мәселелер талқыланды.

«Абдулмажид әл-Саммари екіжақты қарым-қатынастарды барлық аспектілерде нығайту және дамыту жөніндегі күш-жігерге үлес қосуға дайын екенін білдірді», делінген хабарламада.

Кездесу соңында Сауд Арабиясы Сыртқы істер министрлігі басшысының орынбасары елшіге екі ел арасындағы өзара қарым-қатынасты дәйекті дамыту жолындағы жауапты қызметіне табыс тіледі.