Өзбекстанның Төтенше және Өкілетті Елшісі Бахтиёр Ибрагимов Қазақстан Президенті Қасым-Жомарт Тоқаевқа сенім грамоталарын тапсырды.

«Ақорда» резиденциясында өткен рәсімде, Өзбекстанның жаңадан тағайындалған елшісі сенім грамоталарын тапсыра отырып, Қазақстан Президентіне қазақ тілінде сөз сөйледі.

Іс-шара барысында Испания, Эстония, Судан, Руанда, Доминикан Республикасы және Маврикий елшілері де өздерінің сенім грамоталарын тапсырды.

Президент Қасым-Жомарт Тоқаев елшілерді осы лауазымға кірісулерімен құттықтап, Қазақстанның сыртқы саясатының басым бағыттарын атап өтті және оларға екіжақты қарым-қатынастарды дамыту бағытындағы дипломатиялық қызметтерінде үлкен табыстар тіледі.