Өзбекстан елшісі Қатар СІМ басшысына сенім грамотасының көшірмесін тапсырды
Өзбекстанның жаңа елшісі Ашраф Худжаев Қатар Сыртқы істер министрі Сұлтан бен Саад Әл-Мурайхиге сенім грамотасының көшірмесін тапсырды.
Мемлекет министрі елшіні жауапты қызметке тағайындалуымен құттықтап, дипломатиялық қызметінде табыс тіледі.
Сұхбат барысында екіжақты көпжақты ынтымақтастықтың кең ауқымды мәселелері, сондай-ақ Орталық Азия – Парсы шығанағы араб мемлекеттері ынтымақтастығы кеңесі форматындағы өзара ынтымақтастық мәселелері бойынша пікір алмасылды.
Экономикалық қарым-қатынастарды одан әрі кеңейтуге, өзара сауда көлемін ұлғайтуға және бірлескен инвестициялық жобаларды жүзеге асырудағы ынтымақтастыққа өзара мүдделілік танылды.
Түрлі деңгейдегі өзара қарым-қатынастарды жандандыру, соның ішінде биылғы жылы сапарлар мен іс-шараларды ұйымдастыру туралы келісімге қол жеткізілді, делінген хабарламада.