Өзбекстанның Литвадағы елшісі Қадамбой Султанов 17 тамызда Литва Президенті Гитанас Науседаға сенім грамотасын тапсырды.

СІМ баспасөз қызметінің хабарлауынша, кездесу барысында Литва Президенті Ташкент пен Вильнюс арасындағы саяси диалог пен екіжақты сауда -экономикалық ынтымақтастықты дамытуды жоғары бағалаған. Еуроодаққа мүше елдердің ішінде Литва 2020 жылдың соңына қарай Өзбекстанның Германиядан кейінгі екінші сауда серіктесі болды.

Өзбекстан елшісі соңғы жылдары Президент Шавкат Мирзияевтің басшылығымен қол жеткізілген ауқымды өзгерістердің нәтижелері, өзбек-литва ынтымақтастығының перспективалы бағыттары мен аймақтық даму мәселелері туралы қысқаша ақпарат берген.

«Литва Президенті Өзбекстандағы реформалар Вильнюсте жоғары бағаланғаны, ал реформалардың нәтижелерін ЕО -ның барлық елдері құптағанын мәлімдеді», - делінген СІМ хабарламасында.