Өзбекстанның Кувейт мемлекетіндегі жаңа елшісі Аюбхан Юнусов осы елдің Сыртқы істер министрі Абдулла Әли Әл-Яхёға сенім грамотасының көшірмесін тапсырды.

Рәсімнен кейін тараптар өзара ынтымақтастықтың қазіргі жағдайы мен келешегін талқылап, әлеуметтік-экономикалық, саяси, ғылыми, мәдени және білім саласындағы ынтымақтастықты нығайтудың, жалпы сауда аясын кеңейтудің, инвестициялық жобаларды жүзеге асырудың маңыздылығын атап өтті.

Сондай-ақ осы жылға арналған бірлескен іс-шаралар кестесі қаралды.

А.Юнусов бұл қызметке тағайындалғанға дейін Сыртқы істер министрлігі Консулдық-құқықтық департаментінің басшысы қызметін атқарған.