Өзбекстанның Австриядағы елшісі Бахтиёр Ибрагимов Еуропадағы қауіпсіздік және ынтымақтастық ұйымының (ЕҚЫҰ) Бас хатшысы Хелга Шмидке сенім грамотасын тапсырды.

Ресми рәсім Венадағы ЕҚЫҰ хатшылығында өтіп, салтанатты шара аясында болған сұхбат барысында екіжақты ынтымақтастықтың өзекті мәселелері талқыланды.

«Тараптар елде жүзеге асырылып жатқан әлеуметтік-экономикалық және демократиялық реформаларды қолдауға бағытталған жыл сайынғы жобалар аясында Өзбекстандағы ЕҚЫҰ жобаларының үйлестірушісімен практикалық ынтымақтастықты одан әрі дамыту мәселелеріне де назар аударды», делінген хабарламада.

Өзбекстан ЕҚЫҰ-ға 1992 жылдан бері мүше.

21 қарашада Елші Бахтиёр Ибрагимов Австрия Президенті Александр Ван дер Белленге сенім грамотасын тапсырған еді.

Сондай-ақ, елші штаб-пәтері Венада орналасқан Ядролық сынақтарға жаппай тыйым салу туралы шарт ұйымындағы Өзбекстанның тұрақты өкілі ретінде ресми түрде аккредиттелген.