Өзбекстанның жаңадан тағайындалған елшісі Нодир Ғаниев Франция Президенті Эммануэль Макронға сенім грамоталарын тапсырды.
Ресми рәсім аясында өткен сұхбат барысында Франция Президенті Ташкент пен Париж арасындағы екіжақты қатынастардың жағдайы мен перспективаларын жоғары бағалаған.
Эммануэль Макрон 2023 жылдың қараша айында Самарқандқа жасаған ресми сапарын жылы еске алып, жоғары деңгейдегі саяси диалогты жалғастыру және Өзбекстанмен достық қарым-қатынастарын дамытуға ниетті екенін атап өтті.
Франция басшысына Өзбекстан елшісімен қатар тағы 20-дан астам шетел мемлекеттерінің елшілері сенім грамоталарын тапсырды. Ел басшысы елшілерді бұл лауазымға кірісуімен құттықтап, екіжақты ынтымақтастықты дамыту бағытындағы дипломатиялық қызметтерінде үлкен табыстар тілеген.
Айта кетсек, Нодир Ғаниев бұған дейін Өзбекстанның Швециядағы алғашқы Төтенше және Өкілетті Елшісі қызметін атқарған.