Өзбекстанның Тель-Авивтегі елшілігі азаматтарға ескерту жасады.

Аймақтағы жағдайға байланысты Өзбекстанның Израильдегі елшілігі Израиль аумағында жүрген азаматтарға сақтық пен қауіпсіздік шараларын қабылдау керектігін ескертті.

«Осы қайшылықты күндері жеке қауіпсіздікке қатер төндіретін жағдайларды болдырмау үшін тұрғылықты жеріңізден орынсыз сыртқа шықпауды ұсынамыз», - делінген хабарламада.

Айта кетейік, 1 сәуірде Израиль әскерлері Дамаскідегі Иран консулдығына шабуыл жасаған болатын. Бұл әрекет екі ел арасындағы онсыз да шиеленіскен қарым-қатынасты одан әрі шиеленістірді.