Халықаралық валюта қоры (ХВҚ) әлемдік экономиканың даму болашағы туралы кезекті есебін жариялады.

Оған сәйкес, Өзбекстан экономикасы 2023 жылы 5,5 пайызға өседі, бұл сәуірде күтілгеннен 0,2 пайызға жоғары. 2024 жылға арналған ЖІӨ өсімі болжамы өзгеріссіз 5,5 пайыз деңгейінде қалған.

Экономикалық өсу қарқыны бойынша Өзбекстан Қазақстан, Қырғызстан және Түркіменстаннан алда, Тәжікстаннан сәл ғана төмен.

Жалпы Таяу Шығыс пен Орталық Азия өңірі үшін жыл соңында ЖІӨ өсімі небәрі 2 пайызды құрайды, бұл өткен жылғы көрсеткіштің жартысы. 2024 жылы ол аздап - 3,4 пайызға дейін жеделдейді деп күтілуде.

ХВҚ Өзбекстандағы инфляция болжамын да жақсартты. Осылайша, бұрын күтілген 11,8 пайыздың орнына биыл инфляция 10,2 пайызды құраса, келесі жылы 10 пайызға дейін төмендейді.

Бұл ретте ХВҚ Орталық банктің 2028 жылға қарай 5 пайыздық инфляцияға жету мақсаты күрделі міндет болады деп болжайды.