Өзбекстан Республикасының Президенті Шавкат Мирзиёев ресми сапары аясында Әл-Кувейт қаласында «Action Group Holdings» компаниясының басшысы Шейх Мубарак ас-Сабахты қабылдады.

1998 жылы құрылған бұл холдинг жылжымайтын мүлік, мұнай өнеркәсібі, ақпараттық технологиялар, логистика, құрылыс, білім беру, консалтинг және сауда салаларында жұмыс істейді.

Кездесу барысында Мемлекет басшысы «Action Group Holdings» компаниясының Өзбекстанда гидроэлектр станциялары мен әлеуметтік тұрғын үйлер салу, сондай-ақ минералдық ресурстарды қайта өңдеу жобаларына қатысты жоспарларын қолдады.