Ташкентте KPMG халықаралық аудиторлық компаниясының бастамасымен коммерциялық банктер мен төлем ұйымдары қызметкерлері үшін киберқауіпсіздікті қамтамасыз ету және қаржылық алаяқтыққа қарсы күрес тақырыбында конференция өтті.

Іс-шара барысында Өзбекстан Республикасының Орталық банкі, Түркия Республикасының Банк бақылау және реттеу агенттігі, KPMG компаниясы және оның серіктес ұйымдарының өкілдері тақырыпқа қатысты баяндамалар жасады.

Орталық банк төрағасының орынбасары С.Мелибоев Өзбекстанның банк жүйесіндегі киберқауіпсіздікті қамтамасыз ету және банк карталарымен байланысты алаяқтықтың алдын алу шаралары мен қол жеткізілген нәтижелер туралы ақпарат берді.

Сонымен қатар, конференция аясында Түркияның Банк бақылау және реттеу агенттігі, KPMG компаниясы және Өзбекстан Орталық банкінің жауапты өкілдері арасында жұмыс кездесуі өтті. 

Кездесу барысында банк саласында киберқауіпсіздікті қамтамасыз ету бойынша тәжірибе алмасу мәселелері талқыланды.