Өзбекстан азаматы болған баланы шет мемлекеттің аумағында қараусыз қалдырғаны үшін АЕК (Айлық есептік көрсеткіш) 10 еседен 50 есеге дейін айыппұл салынды.

Әділет министрлігінің хабарлауынша, президент қол қойған заңмен кейбір құқықтық құжаттарға толықтырулар мен өзгертулер енгізілген. Атап айтқанда, Әкімшілік жауапкершілік туралы кодекске енгізілген қосымшаға сәйкес, Өзбекстан азаматтығы бар баланы әкесінің, анасының немесе олардың орнын басатын адамның шет мемлекеттің аумағында қараусыз қалдыруы АЕК-тің 10-нан 50 есеге дейін (3 миллион сумнан 15 миллион сумға дейін) айыппұл салуға әкеп соғады. 

Осыған сүйене отырып, әкімшілік құқық бұзушылық туралы істі қарауға 30 тәуліктен аспайтын мерзім белгіленіп, сот бұл құқықбұзушылықты жасаған тұлғаға баланы шет мемлекеттен Өзбекстанға қайтаруды немесе құқық бұзушылықты жою шараларын қолдануды міндеттейді.

Сондай-ақ, Қылмыстық кодекске енгізілген толықтыру бойынша баланы шет мемлекетте қараусыз қалдыру, егер ол сол әрекеті үшін әкімшілік жаза қолданылғаннан кейін жасалса немесе баланың белгіленген мерзімде Өзбекстанға оралуын қамтамасыз етпесе, сот үкімімен 3 жылға дейін бас бостандығынан айыру жазасына кесілуі мүмкін.

Бұл нормалар осы заң ресми жарияланғаннан кейін 3 ай өткен соң қолданысқа енгізіледі.