Қабул қаласында энергетика саласына инвестиция тарту және Ауғанстанның энергетика секторын қолдауға арналған алғашқы конференция өтті.

Іс-шараға Ауғанстан үкіметінің өкілдері, Өзбекстан, Түркіменстан және Тәжікстан энергетика министрліктерінің делегациялары, сондай-ақ халықаралық ұйымдар мен дипломатиялық өкілдіктердің өкілдері қатысты.

Конференция аясында Ауғанстанда 220–500 кВ кернеулі электр беру желілері мен қосалқы станциялар құрылысына қатысты қаржылық келісімшартқа қол қойылып, жоба құрылысы ресми түрде басталды.

Жоспарға сай, жобалар 2027 жылдың бірінші тоқсанына дейін жүзеге асыру көзделген. Бұл Өзбекстан мен Ауғанстан арасындағы электр энергетикасы саласындағы ынтымақтастықты одан әрі нығайтуға қызмет етеді.

Энергетика министрлігінің мәлімдеуінше, алдағы уақытта Өзбекстан Ауғанстан аумағындағы тарату желілерін жаңғырту, ақылды есеп жүйелерін енгізу арқылы саланың тиімділігі мен ашықтығын арттыру, техникалық сараптама негізінде сенімді энергия жеткізуді қамтамасыз ету бағыттарында да ынтымақтастықты кеңейтуге дайын екенін тағыда растады.