Өзбекстан Республикасы Open Data Inventory (ODIN) ашық деректер рейтингінде 70 ұпаймен 195 елдің арасында 30-орынға көтеріліп, Орталық Азиядағы 1-ші орынды сақтап қалды.

Бұл туралы Open Data Watch есебінде айтылған.Өзбекстан 2022 жылғы ашық деректер инвентаризациясында жалпы 70 ұпаймен 30-орынға ие болған. Оның ішінде деректердің толықтығы бойынша 46-шы орында (Орталық Азияда 2-орын) және деректердің ашықтығы бойынша 25-ші орында (Орталық Азияда 1-орын) болған.

2019 жылдан бастап Статистика агенттігі осы рейтингті қолдайтын Open Data Watch ұйымымен ынтымақтастық жасауда.

ODIN рейтингінде ең жоғары көрсеткішке Сингапур, Польша және Дания қол жеткізген. Ең төменгі көрсеткіштер Оңтүстік Судан, Гаити және Түркіменстанда тіркелген.