Малайзияда өткен кездесу барысында Өзбекстанның Оңтүстік-Шығыс Азия мемлекеттері қауымдастығы (АСЕАН) қабылдаған Оңтүстік-Шығыс Азияда достық пен ынтымақтастық туралы шартқа қосылу жөніндегі өтінімі ресми түрде мақұлданды.

«Dunyo» агенттігінің мәліметінше, бұл бастама Мемлекет басшысы тарапынан көтеріліп, шамамен бір жылға созылған дайындық жұмыстары мен келіссөздер нәтижесінде жүзеге асты.

Куала-Лумпурда Малайзияның төрағалығымен өткен АСЕАН Сыртқы істер министрлерінің жиналысында ұйымға мүше барлық елдер Өзбекстанның шартқа қосылуын бірауыздан қолдады.

АСЕАН өңірі бүгінгі таңда Оңтүстік-Шығыс Азияның 11 мемлекетін біріктіріп, шамамен 700 миллионға жуық халқы бар әлеуетті экономикалық нарық ретінде танылған.

Өзбекстанның бұл шартқа қосылуы ел үшін жаңа аймақтық мүмкіндіктерге жол ашады. Бұл тек мемлекетаралық ынтымақтастықтың (G2G) күшеюіне ғана емес, сонымен қатар сауда-экономикалық байланыстардың кеңеюіне, инвестициялық серіктестіктің жандануына және халықаралық компаниялардың сенімінің артуына нақты ықпал етеді.