Тарихта тұңғыш рет Өзбекстан ұлттық құрамасы футболдан әлем чемпионатына қатысу мүмкіндігіне ие болды.

Бұл тарихи жетістік БАӘ құрамасына қарсы сырт алаңдағы ойын нәтижесінде жүзеге асты. Тимур Кападзе баптайтын команда үшін 0:0 есебімен аяқталған бұл матч тең ойын болғанымен, қажетті бір ұпайды алып, мундиальға жол ашты.

Осы нәтиже Өзбекстанның жалпы ұпай санын 18-ге жеткізді және бұл көрсеткіш «А» тобының турнирлік кестесінде екінші орынды қамтамасыз етуге жеткілікті болды. Үшінші орында тұрған БАӘ құрамасының еншісінде 14 ұпай ғана бар, сондықтан соңғы тур нәтижесіне қарамастан, олар өзбекстандықтарды қуып жете алмайды.

Айта кету керек, бұл Өзбекстан құрамасының әлем чемпионатына шығуға талпынған 8-ші мүмкіндігі еді. Енді Кападзе шәкірттері 2026 жылы АҚШ, Канада және Мексикада өтетін әлемдік доп додасында алғаш рет өнер көрсетпек.

Бұл – өзбек футболының жаңа белесі, ел тарихындағы маңызды бетбұрыс.