Өзбекстанға трансшекаралық ақша аударымдарының көлемі айтарлықтай азайды.

Орталық банктың жыл басынан бергі соңғы жеті айлық мәліметіне сай биыл трансшекаралық ақша аударымдарының көлемі 3 млрд долларды құрады. Бұл көрсеткіш өткен жылмен салыстырғанда 217 млн доллар немесе 7 пайызға төмен.

Биылғы шетелге жіберілген трансшекаралық ақша аударымдарының көлемі 516 млн долларды құрап, өткен жылдың сәйкес кезеңімен салыстырғанда 47 млн долларға немесе 8 пайызға азайған.

Ал Өзбекстанға шетелден трансшекаралық ақша аударымдарының оң сальдосы 2,5 млрд доллар болып, 2019 жылдың осы кезеңімен салыстырғанда 170 млн доллар немесе 6 пайызға төмендегені байқалған.