2020 жылдың қаңтар-тамыз айларында Өзбекстан 5,8 миллиард долларлық алтын экспорттаған.

Мемлекеттік статистика комитетінің мәліметінше, бұл көрсеткіш өткен жылмен салыстырғанда 147,2 пайызға жоғары. Осы кезеңде Өзбекстан сыртқы нарыққа сатқан жалпы өнімнің 50 пайызы алтынның үлесіне тура келген.

Соңғы жылдардағы мәліметтерге назар аурасақ Өзбекстан алтын экспортын біршама ұлғайтып жатқанын көруге болады. 2015 жылда 823,9 миллион доллар, 2016 жылы 738,2 миллион доллар, 2017 жылы 1,6 миллиард доллар, 2018 жылы 2,91 миллиард доллар және 2019 жылы 4,9 миллиард доллардан астам атлын сатқан.