2023 жылдың басынан Өзбекстан шет елдерге 30 мың тоннадан астам жүзім экспорттады.

Кеден комитетінің мәліметінше, биылғы жылдың 7 айының қорытындысы бойынша Өзбекстаннан құны 22,3 млн АҚШ долларын құрайтын 30 мың тоннадан астам жүзім өнімдері (кептірілген жүзімнен басқа) шетелге экспортталды.

Бұл көрсеткіш өткен жылдың сәйкес кезеңімен салыстырғанда 30 пайызға артық.

Экспортқа шығарылған жүзім өнімдерінің ең көп үлесі Ферғана (9,9 мың тонна), Ташкент (5,6 мың тонна), Самарқанд (3,1 мың тонна), Наманган (2,7 мың тонна) облыстарына тиесілі.