Өзбекстан 2023 жылдың қаңтар-шілде айларында 1,1 миллион тонна жеміс-жидек пен көкөніс экспорттады.

Статистика агенттігінің алдын ала мәліметі бойынша, бұл көрсеткіш 2022 жылдың сәйкес кезеңімен салыстырғанда 1,2 есеге немесе 153,8 мың тоннаға өскен.

Өзбекстанның жеміс-көкөніс өнімдерінің негізгі экспорттық нарықтары Ресей (41,8 пайыз), Пәкістан (14,6 пайыз), Қазақстан (12,0 пайыз) және Қырғызстан (9,1 пайыз) елдерінің үлесіне тура келген.

2023 жылдың қаңтар-шілде айларында шетелге 672,9 миллион АҚШ долларын құрайтын жемістер мен көкөністер экспортталды. Бұл көрсеткіш 2022 жылдың сәйкес кезеңімен салыстырғанда 22,4%-ға өсіп, экспорттың жалпы көлеміндегі үлесі 4,5%-ды құрады.