Ўзбекистон ва Россия Ҳукуматлараро комиссиянинг ишчи йиғилиши тўғрисида
Иштирокчилар эътибори ишлаб чиқилаётган қўшма лойиҳалар ва ташаббуслар доирасида Россия томони билан ўзаро ҳамкорликни фаоллаштириш юзасидан қўшимча чоралар кўриш зарурлигига қаратилди.
Бухоро шаҳрида шу йилнинг 12 октябрь куни ўтказилиши режалаштирилаётган Ўзбекистон Республикаси ва Россия Федерацияси ўртасида иқтисодий ҳамкорлик бўйича Ҳукуматлараро комиссиянинг 21-йиғилишига ўз вақтида ва сифатли тайёргарлик кўришга бағишланган ишчи йиғилиш бўлиб ўтди.
Ҳукуматлараро комиссия ҳамраислари - Россия Федерацияси иқтисодий ривожланиш вазири Максим Решетников ва Ўзбекистон Республикаси Бош вазири ўринбосари – инвестициялар ва ташқи савдо вазири Сардор Умурзоқов иштирокида кечган йиғилиш давомида вазирликлар ва тегишли идоралар раҳбарларининг Россия Федерацияси билан савдо-иқтисодий, инвестициявий ва саноат ҳамкорлик, шунингдек, яқинда бўладиган йиғилишга тайёргарлик билан боғлиқ жорий ҳолат тўғрисидаги ҳисобот тингланди.
Ўзбекистон томонидан ҲКнинг 9 та кичик комиссияси раҳбарлари савдо-иқтисодий, инвестициявий, саноат ва минтақалараро ҳамкорлик, банк-молия, транспорт, энергетика, қишлоқ хўжалиги, соғлиқни сақлаш, фан, таълим ва маданият соҳаларидаги фаолият йўналишларида ҲКнинг 20-йиғилиши баённомаси билан қабул қилинган қарорлар ижроси бўйича олиб борилган ишлар тўғрисида батафсил маълумот беришди.
Иштирокчилар эътибори ишлаб чиқилаётган қўшма лойиҳалар ва ташаббуслар доирасида Россия томони билан ўзаро ҳамкорликни фаоллаштириш юзасидан қўшимча чоралар кўриш зарурлигига қаратилди.
Шунингдек, вазирлик, идора ва ташкилотлар масъул раҳбарларига РФ ҳукумати делегациясининг Ўзбекистонга кутилаётган ташрифи давомида россиялик шериклар билан муҳокама қилиш учун ҳамкорликнинг янги имкониятларини ҳар томонлама ўрганиш ва аниқ лойиҳавий таклифлар ишлаб чиқиш бўйича аниқ кўрсатмалар берилди.
