Ўзбекистон U-19 терма жамоаси Таиландда ўтадиган халқаро мусобақада қатнашади
Жорий йилнинг ноябрь ойида U-19 Осиё Чемпионати-2020 саралаш баҳслари ўтказилади.
Жорий йилнинг ноябрь ойида U-19 Осиё Чемпионати-2020 саралаш баҳслари ўтказилади.
Ўзбекистон ёшлар терма жамоаси айни пайтда Саудия Арабистони мезбонлик қиладиган саралаш баҳсларига тайёргарлик жараёнини давом эттирмоқда.
Отабек Ғуломхўжаев бошчилигидаги ёш футболчилар тайёргарлик доирасида бир қатор мусобақа ва ўртоқлик ўйинларида майдонга тушмоқда.
Октябрь ойида Ўзбекистон U-19 терма жамоаси халқаро мусобақада иштирок этади. Вакилларимиз Таиландда ўтадиган “GSB Bangkok Cup” мусобақасига таклиф олди. Бу ҳақда ЎФА маълум қилди.
Мазкур мусобақада, шунингдек, Жанубий Корея, Таиланд ва Вьетнам ёшлар терма жамоалари ғолиблик учун баҳс олиб боришади. Мусобақа 2 та ўйин кунидан иборат бўлиб, ярим финалда ғолиб чиққан жамоалар чемпионлик учун, ярим финалда мағлуб бўлганлар эса 3-ўрин учун ўйинда майдонга тушишади.
Мусобақа тақвими:
10 октябрь | Ярим финал
Жанубий Корея U19 – Ўзбекистон U19
Таиланд U19 – Вьетнам U19
12 октябрь | 3-ўрин учун
1-ўйин мағлуби – 2-ўйин мағлуби
12 октябрь | Финал
1-ўйин ғолиби – 2-ўйин ғолиби