Ўзбекистон Indiaʼs Best Awards-2019 мукофотини қўлга киритди
Мазкур мукофот ғолиблари ҳақидаги маълумот Ҳиндистоннинг таниқли “Travel+Leisure” халқаро сайёҳлик журнали ваколатхонаси томонидан эълон қилинди.
Мазкур мукофот ғолиблари ҳақидаги маълумот Ҳиндистоннинг таниқли “Travel+Leisure” халқаро сайёҳлик журнали ваколатхонаси томонидан эълон қилинди.
Хабарда Ҳиндистон штатлари ва хорижий давлатлар иштирокидаги ушбу йирик танловда 50 та номинация бўйича совриндорлар номи келтирилади.
Ғолиблар журнал ўқувчилари ва унинг ижтимоий тармоқлардаги обуначилари ўртасида ўтказилган онлайн овоз бериш йўли билан аниқланган.
“Travel+Leisure” Жануби-Шарқий Осиё ва Европанинг кўплаб давлатларида чоп этилади. Нашр муҳаррири Айндрил Митрнинг сўзларига кўра, келгуси йилдан Ўзбекистоннинг сайёҳлик салоҳияти тарғиботига бағишланган махсус ахборот лойиҳаларини амалга ошириш режалаштирилмоқда.