Ўзбекистон билан ҳамкорлик қилиш ОИИБнинг устувор йўналишига айланмоқда
Энергетика вазирлигида Инвестиция операциялари бўйича вице-президент Константин Лимитовский бошчилигидаги Осиё инфратузилмавий инвестициялар банки (ОИИБ) вакиллари билан бўлиб ўтган учрашувда икки томон ўртасидаги ҳамкорлик истиқболларига аҳамият қаратилди.
Энергетика вазирлигида Инвестиция операциялари бўйича вице-президент Константин Лимитовский бошчилигидаги Осиё инфратузилмавий инвестициялар банки (ОИИБ) вакиллари билан бўлиб ўтган учрашувда икки томон ўртасидаги ҳамкорлик истиқболларига аҳамият қаратилди.
Учрашувда вазирлик томонидан мамлакатда амалга оширилаётган энергетика, нефть-газ соҳасидаги ислоҳотлар, шунингдек, қабул қилинган Ўзбекистон Республикасининг “Давлат-хусусий шериклик тўғрисида”ги қонуни ва энергия, қайта тикланадиган энергия соҳасида ҳамкорлик қилиш имкониятлари ҳақида маълумот берилди.
Константин Лимитовский сўзга чиқиб, ОИИБ асосий мақсадини маълум қилар экан, ҳозирги пайтда Ўзбекистон ташкилот учун энергия самарадорлигини ошириш, қурилиш, трансчегаравий электр узатиш тармоқлари, қайта тикланувчи энергия ва гидроэнергетика лойиҳаларини амалга оширишда ҳамкорлик қилиш устувор йўналишлар эканини таъкидлади.
Жорий йилда мамлакатимизда бир нечта тендерларни ўтказиш кўзда тутилган. Шу сабабли, учрашувда ОТБ ва Халқаро молия корпорация билан қуёш электр станцияларини қуриш ҳамда ЕТТБ билан Қорақалпоғистондаги шамол электр станциялари барпо этиш бўйича тендерга тайёргарлик кўриш масалалари ҳақида ҳам сўз борди.
Шунингдек, томонлар музокаралар давомида гидроэнергетика, қайта тикланадиган энергия, чиқиндиларни йўқ қилиш, электр ҳамда иссиқлик энергиясини ишлаб чиқариш, электр узатиш линиялари қурилиши, энергия самарадорлигини ошириш бўйича янги лойиҳалар, энергетика ва нефть-газ тизимларининг ишлашини мониторинг қилиш учун ягона маълумотлар марказини шакллантириш масалалари юзасидан фикр алмашди.