Давлат статистика қўмитаси матбуот хизматининг маълум қилишича, ушбу кўрсаткич ўтган йилнинг мос даврига нисбатан таққослаганда 14,6 минг тоннага кўп.

Қарийб 61 миллион АҚШ долларига тенг бўлган гилос 18 мамлакат бозорларида сотилган. Улар орасида Қозоғистон 16,7 минг тонна (23 миллион АҚШ доллари), Россия 9,3 минг тонна (15,8 миллион АҚШ доллари), Қирғиз Республикаси 4,7 минг тонна (20 миллион АҚШ доллари) ва Жанубий Корея Республикаси 124,3 тонна (496,9 минг АҚШ доллари) билан юқори улушга эга бўлди.

Эътиборлиси, бу йил ўзбек гилоси Германия, Литва, Люксембург, Монголия, Уммон, Жанубий Корея ва Таиланд давлатларига ҳам экспорт қилинди.